السلام عليكم ورحمة الله وبركاته
إنتظرت من هـ الزمن مثلك هديه ..
و جيتني و عطيتك الخافق وداعه ..
مرحبا يوم الزمن جابك عليه ..
مرحبا و الخير في وجهك شعاعه ..
ان < رضـيـت > أرضيت بك نفس رضيه ..
و ان < زعـلـت > يضيق بالكون اتساعه ..
---
صدق أربعين من الشبه يخلق الله ..
إلا انت واحد من تسعه و ثلاثين ..
من يشبهك يا مالك الحسن كله ؟ ..
من يشبهك يا سيد كل المزايين ؟ ..
---
الطيب فيك و منبع الطيب منشاك ..
و ذكرك يعز و يرفع الراس طاريك ..
و اللي يبي العليا يسوي سواياك ..
يفعل مثل فعلك و يمشي مماشيك ..
الله عطاك الطيب و الله يهنيك ..
و تم الكلام و زبدة القول برضاك ..
و اقبل تحية من يعزك و يغليك ..
---
أكبر عيوبي ما أتحمل غيابك ..
لا غبت عني كل هم ندبني ..
عطني جواب الله يخلي شبابك ..
قل لي وش اللي فيك غصب جذبني ..
انت سؤال الحب و أنا جوابك ..
أنا كتبتك و الغلا لك كتبني ..
---
لاتسألني عن سبب كتم الآحزان ..
بس اسألني عن غيابي وحضوري ..
لاتسألني عن سبب دمع الآعيان ..
بس أسألني عن دواعي سروري ..
لاتسألني عن تصاريف الأزمــان ..
أجامل أحبابي وربعي والأخـــوان ..
جبر الخواطر صار معنى حضوري ..
أعطيهم الفرحه وأنا وسط الآحزان
وأجبر كسور الغير وأهمل كسوري ..
---
لميت جرحي واحتضنته وسافرت ..
ما للواداع بخاطري غير تجريح ..
ودي ولكني صمدت وتصبرت ..
واقفيت اشد اخطاي بالغصب لا اطيح ..
ما هو جفا.. انا الشاهين ما تغيرت ..
عقب الوداع.. فراق ما هو بتلميح ..
ياليتني دمعه فراق وتبخرت ..
لا احساس لا وجدان لا قلب يصيح ..
امشي على ذكراك و لا تعثرت ..
يا ساكن الوجدان بدون تصريح
ولو خيروني من الملا ما تخيرت ..
غيرك حشا وش فيه؟ من هبت الريح ..
---
الزمان يفرض سؤال كل إجاباته محال ..
السعاده شي واضح و إلا من وحي الخيال ؟؟ ..
في بدايات الأمور تبني أحلامك قصور ..
و لما تتعمق تضيع تبقى على نفسك تدور ..
كلنا محدٍ سلم من تعاسه أو ألم ..
منو اللي فينا من وسط قلبه ابتسم ؟؟ ..
---
اقرا معانات قلبي وسط جوالك ..
نتايج الصد حللها و فسرها ..
ما نامت العين ليله سبة إهمالك ..
كن الرسايل تضرك في خسايرها ..
حتى البريد اشتكى من كثر ما جالك ..
أعـظم رسايل تجي لك ما تعبرها ..
---
فوق الجروح اللي بقلبي من سنين ..
يكفي دخيل الله لا تجرحوني ..
ما دامكم مانتم لجرحي مداوين ..
انسوا وجودي بينكم و اتركوني ..
وش من عذابي و العنا مستفيدين ؟ ..
وش مصلحتكم يوم تذرف عيوني ؟ ..
---
بكرة يمكن أموت ...
ومابي أشوف في عيونك دموع ...
أبي أسمع ضحكتك تضوي الوجود ...
وأنا بالكفن ملفوف وتحت الأرض مدفون !!
هذي وصاتي والقدر علي مكتوب !!
تكفى تذكرني ولو بنثر الورود إني بيوم كنت موجود ...
وفي بالك محفوظ ...
تقــبلو خـــالص شكــري
آخر 10 مشاركات
10-11-2008, 01:13 PM
إنتظرت من هـ الزمن مثلك هديه .
العرض العادي
