مسجات حب قوية

السلام عليكم ورحمه الله وبركاتة

الليله غير
شعوري غير
أشواقي غير
حتى الأغاني غير
صدري سما..
واحساسي ... طير
بس *طيفك* ماتركني
ظل ساكن تحت جفني
كان وافي
كان يذكر .. وانت جافي
{انت وينك؟}
كان هذا الفرق مابيني وبينك
جيتني تشكي الزمن
وجيتك أبي أدفى
لقيت في قلبي وطن
ولقيت بك منفى

*********
*********



وش هالكون بعدك
علمني وش يكون؟؟
وش هي الدنيا بدونك غير صمت وسكون!
الصبح شاحب!
والليل تملاه الظنون!
والزوايا موحشه!(فاقده قلب حنون)
عادي كل هالناس عندي يروحون او يجون . .
الا انت غير كل هالناس
" روحتك ماتهون "

**********
**********



ياطيب حظي كان أنا .. حلم دنياك
ياللي تقول أني أمانك و خوفك
إن جيت ابحكي عن بهاك و سجاياك
كيف اوفي أخلاقك وباهر وصوفك
وشلون ما أحبك وهذي سواياك؟
وشلون ما أهديك عمري.. في كفوفك؟
ياقلب قلبي وش حياتي بلياك؟
تسلم عيوني دامها هي ... تشوفك

**********
**********



طالت رحلتي وياكـ
.وعمري ماشتكيت منكـ
.واليوم شخص ثاني خذاكـ
.لأجل يبعدني ويبعدكـ
.تمنيت أكمل رحلتي بهواكـ
.وتبقى مع اللي يسعدكـ
.بحفظ أنا في قلبي غلاكـ
.ومهما طال العمر أوعدكـ
.تكون انت مثل ما أنت
ماينزل بعيني مستواكـ

**********
**********



كم تكلمتي وانا أرقى السوالف
كلمه.. كلمه..
حتى أوصل للكلام اللي في بالك
مابعد قلتيه
كنت ادور في كلامك
أي كرسي حتى أجلس فيه

*********
********




شطر لا زلت ادور له .. على ذوقك .. شطر ثاني

ღ
ღ

كم سؤال حير أقلام الإجابه
كم إجابة صارت أشبه بالمحال
السؤال يضيع ما يلقى أجابه
والإجابة تنتظر طرح السؤال
والسؤال اللي عجزت القى جوابه
ليه أحبك كثر حبات الرمال

ღ
ღ

من تحداني في حبك أقبل تحديه
ولو فكر يشاركني فيك
والله ..
من الأرض لأمحيه

ღ
ღ

احبكـ ولم تنفذ الكلمات أبدا
حتى تنفذ من الغروب دمائي
أحبكـ وإن كان ما بيننا حبا
فإني ألغي من الحب انتمائي
احبكـ حتى تجف البحور خجلا
ويروض الموج تراتيل غنائي

ღ
ღ

انت الوفـــى يوم الوفــا من سجايـاك
وانت الغـلا يوم الغـلا فيــك مجنون
وانت العزيز اللي على العـز مربـاك
وانت القصيـد اللي على القاف موزون
يحــلا الكـلام ليا طلـع من شفايــاك
و يصيــر له .. روح و يديـن و عيـون

ღ
ღ

وشلون اوصف روعتك يا حلالي... وانتي بروحك صدقيني ابجدية
يا اللي على شانك يطيب ارتحالي.. ومعك الأماني والحياة الهنية
فيك اختصر كل المودة تعالي.. يا ضمة امي في حنان ضحوية

ღ
ღ

لو تعرفين شكثر احبك بكيتي... عن كل يوم فيه ما كنت احبك
لو تلمسين اشواق قلبي .. نسيتي.... امك وابوك ولولا الايمان.. ربك
لو تلبسين اوراق شعري .. سميتي.. عن كل شخص بالبسيطة يسبك

ღ
ღ

قلت لك: روحي تبيك.. و ابيات شعري تهتويك..
قلت لك: عمري وحياتي و المشاعر تحتريك...
قلت لك: قلبي يحبك و العيون تموت فيك،،
قلت لك: أنا احبك و القلب يشتريك..
أنا قلت وانت وش تقول؟!

ღ
ღ

دايم ونفسي بالمحبة تناديك..
ودايم حنين الشوق يمك خذاني..
انا يا بعد عمري من الناس شاريك..
ارخصت كل الناس قاصي وداني..
قالوا لي العدل أبعد و أجافيك..
وحلفت أنا ما انساك ولو هي ثواني..

ღ
ღ

كل اللي يكفيني بعمري لحظتين..
لحظة أشوفك و أختنق من عبرتي..
ولحظة أبادلك الحنين..
و أشتاق لأحلى لحظتين..
و أشتاق أنا في هالحياة لكلمتين..
كلمة " أحبك" نفسها بس مرتين..

ღ
ღ

انت أقرب الناس و انت محبوبي..
وانت القريب البعيد.. ومني وفيني..
انت البدايات و اصدق حلم بدروبي.
و أعذب معاناة من نومي تصحيني..
وش فيها لا صرت " أحبك" وانت مطلوبي..!!
وشلون أخبيك و أنت أجمل عناويني..
في ذمتك بعد هذا وش تسميني!!


ويبقى حبك في قلبي والله أعلم..
لو كان الصخر حيا عني تكلم..
ولو كان قلبك يدرك حبي لتحطم..
احببتك بروحي وكياني فهل يوجد شيئا في الحب أعظم..
عذرا..
كدت اكفر بالهوى لو لم يكن قلبي بك متيم ؟؟؟؟